Passebericht Woordeliesten

Weeromme naor Essays
Weeromme naor Stellingwarfs
Home



Passebericht Woordeliesten (25-10-2004)

NI’JBERKOOP - Veurige weke is d’r deur een pattekelier initiatief
een uutgebreide Stellingwarver woordeliest in boekvorm uutbrocht.
D’r bin twie boekwarken van maekt. Een Nederlaanse naor et
Stellingwarfse vertaeling van woorden en iene van et Stellingwarfs
naor et Nederlaans. Piet Bult van Ni’jberkoop het in de loop van een
peer jaor tied meer as 20.000 Stellingwarver woorden bi’jmekeer
gadderd uut bestaonde schrieveri’je en daor een Nederlaans woord
naost zet. Nao wat redigeerwark bin d’r een dikke 17.000 woorden
overbleven veur publikaosie. De bedoeling van disse uutgiftes is om
beginnende schrievers in ‘t Stellingwarfs op een ienvooldig meniere te
helpen mit een meugelike schriefwieze van pattie woorden. Zo is et
bevobbeld vaeke de vraoge aj’ “kaomer”, koamer”, “keamer” of et
ienige juuste “kaemer” schrieven moeten. En wat wodt bedoeld mit
woorden as “aemelen” of “klaeterjaeger”. Op dat soorte van vraogen
geft dit boekien meerstal et antwoord. De boekies bin veur 10,00 euro
et stok rondom te koop bi’j de bekende boekhaandelers.


Piet Bult, 25-10-2004