Radio RWC

Weeromme naor Essays
Weeromme naor Stellingwarfs
Home


Radio RWC (Ooldjaorsdag 2009)

14:00 ANP ni’js
14:02 Een hiele goeie middag beste luusterers in de wiede omkrieten van Noordwoolde tot
- wie wet - over internet ok meensken an misschien wel de aandere kaante van de wereld.

Naor een idee van Piet van der Meer is et al haost wat een tredisie om op Ooldjaorsdag de hiele dag een pergramme te prissenteren in en over streektael en kultuur. Gewoonlik verzorgt Alie ___ dan et paantien koffie mit wat lekkers d’r bi’j mar Piet en Alie kun d’r vandaege om wat trieste reden niet bi’j wezen.

Vandemorgen van tiene tot twaelf het Jan Koopman mooi wat streektaelmeziek dri’jd.
Van twaelf tot iene jubelde Jelke Nijboer et jubeljaor Stellingwarf-700 nog es deur en Jan de Vries het oons van iene tot twieje nog veerder in de kunde brocht mit de geweldige Stellingwarfse groep, de Flying Stars.

En van now of an tot zes ure brengen Henk de Vries - en ik bin Piet Bult - je op disse laeste middag van et oolde jaor 2009 – onder et motto ‘Oons Kent Oons’ ok nog een hiel aorig pergramme in oons eigen Stellingwarfs. Mit zoe’n twintig gaasten die vaeks om ien of aandere reden dit jaor een schoft in de belangstelling staon hebben eiden we et oolde jaor nog es over en blikken alvast wat in et ni’je jaor veuruut.

Henk, bi’j d’r ok klaor veur…

De techniek is vandemiddag in hanen van Paul Molenaar / Jan de Vries en dan zo’k zeggen: lao’we mar mit een stokkien meziek uut aende zetten. As’t goed is staot et onderwiels et warkelik wereldberoemde Hole Hole lied klaor, want dat was dit jaor een wereldhit, en dan hoeven we oonze eerste gaast eins hielemaole niet iens meer an te kondigen.


Et lopt hier in de studio van Radio Weststellingwarf Centraol gezellig vol mar we moe’n d’r now beslist even uut veur et ANP-ni’js. We bin d’r zo weer mit oonze volgende gaasten ….


17:58 Et lopt tegen zes ure. We zollen eins nog wel uren deurgaon willen mar we moe’n d’r now toch echt een aende an breiden. Een hiele dag streektael en kultuur, een protte bekenden, dan raek ie vanzels niet uutpraot. Wi’j bedaanken al oonze gaasten dat ze mit oons et oolde jaor nog even deur west hebben en hier en daor alvast wat in et ni’je veuruut keken.

Vandemorgen van tiene tot twaelf het Jan Koopman mooi wat streektaelmeziek dri’jd.
Van twaelf tot iene jubelde Jelke Nijboer et jubeljaor Stellingwarf-700 nog es deur en Jan de Vries het oons van iene tot twieje nog veerder in de kunde brocht mit de geweldige Stellingwarfse groep, de Flying Stars.

Dommiet van zeuven tot achte prissenteert Anne de Jong dit jaor veur ’t laest zien ure Nederlaanstaelige meziek.

En wi’j – Henk de Vries en Piet Bult – weensken alleman, mit uut naeme van oonze gaasten van vandaege en alle mitwarkers van Radio Weststellingwarf Centraol, een geweldig goed, mar veural ok een gezond ni’j jaor 2010 toe. En ankem jaor om disse tied kuj’ weer op oons rekenen.
Graeg tot dan, of eerder al es…
Gaasten radiopergramme ‘Oons kent Oons’ op ooldjaorsdag 2009

*

14:00 Karst Berkenbosch (Hole, hole lied; kraantekollums; Staotsbosboeken; huus te koop)

14:15 Gerard Kramer (eventueel met Jan Jetten)

14:30 Toos de Rooij

14:45 Jan Ophof

*

15:00 Sjouke Stuurman

15:15 Roely Bakker (Stell. schrieveri’jepries Renée en Beppe; kursusleidster sSr)

15:30 Anne de Vries (30 okt. lintje; voetbal Buil; Boom kraanten)

15:45 Andries van der Veen (adderman; ni’je plaanten of dieren ontdekt?)

*

16:00 Lenus van der Broek (mooiste foto; wat foto zoj’ nog es maeken willen?)

16:15 Nicolette Hartong (Prov. Frl. Plattelânsprojekten Zuidoost Friesland)

16:30 Klaas Jan de Vries en Jannie Bakker

16:45 Arend Berger  (evt. met Ron en Roelof Veldhuizen)

*

17:00 Peter Beets

17:15 Mieke Eyer en Simon Meyer

17:30 T.Doodhagen

17:45 Frits Vermeeren  (evt met Andries Meyer)

*

18:00 Sluting


© Piet Bult, 31-12-2009