Weke 33 (9-15.08.2004):
Vandeweke las ik in de kraante (LC) dat dementerende oolden wel es wat vaeker vaaste bunnen wodden meugen. Now daor bin ik et wel mit iens vanzels. Laot ze mar beginnen mit et vaaste bienen van die oolde sukkels daor in De Haag. Allemaole in groepies naor kleur van et stembiljet. Ze zullen nog touw of ketten tekot kommen!

Ik weet nog wel meer die es een schoffien vaaste kneupd wodden kunnen, die zakkevullers bevobbeld. Vandeweke ston d’r weer iene in de kraante. Een ‘topman’ van Shell. De boel veurig jaor aorig mooier veursteld as dat et in warkelikhied was en now kriegt hi’j 3-komma-nog-wat miljoen mit in de WW.

…