Gij zult niet ...

Weeromme naor Biebel
Weeromme naor Stellingwarfs
Home


Gij zult niet ...


Tiedens et biebelvertaelen he'k geregeld kontakt had mit perfester Anne van der Meiden(†).
Op een keer vreug hi'j mi'j hoe ik "Gij zult niet stelen." (HSV Exodus 20:15, 8ste) van de tien geboden vertaeld hadde.
Ik zee him krek zo't d'r staot: "Steel niet."
Hij zee dat hi'j d'r van maekt hadde: "Stelen, dat doej' niet."

Et gaot d'r vaeks niet omme wat d'r zegd wodt mar wie as et zegt.
Ok in dit geval wodt Van der Meiden de haand boven et heufd holen want in et oolde Koine-Grieks is et: οὐ κλέψεις
Et οὐ betekent 'niet', en et κλέψεις is et futurem (de kommende tied) van et warkwoord κλέπτω (stelen).
Van der Meiden hoolt bliekber gien rekinge mit die gebiedende wieze en de toekommende tied van 'Gij zult niet...' wiels die toch niet onbelangriek binnen.
De vertaeling van de Twentse Biebel van Van der Meiden "Stelen, dat doej' niet." is, naor mien gevuul meer een oordiel, gien gebod.
De vraoge is of dat van belang is.
Ik vien et wel...

In et Frysk:             "Steel net "
In et Stellingwarfs: "Steel niet "
In et Nederlaans:    "Steel niet "
In et Duuts:            "Du sollst nicht "
In et Engels:           "Thou shalt not "
In et Afrikaans:      "Jy mag nie "
In et Twents:          "Stellen, dat doo’j nich "