Hiel, heul, heal

Terug naar Artikelen
Wêrom nei Artikels
Weeromme naor Artikelen
Home


Hiel, heul, heal of een half pillegien (Ingezonden stuk)

Nao de tanedokter moej' now eins ok bi'j alle huusdokters (who's next?) in Frieslaand neffens een ni'je kampanje van de Afûk eins Fries praoten kunnen (LC 12/4). Zoks geft zelsvertrouwen en schept een baand, zeggen ze. Die vraoge is nog tot daor an toe mar de dokter zal et ok taomelik verstaon kunnen moeten. Dat wodt mit recht een wonderdokter want ik geef et him/heur te doen as hi'j/zi'j doukies naost et dokterseigen Letien ok nog es Engels, Duuts, Fraans, Nederlaans en now dan ok Fries verstaon en begriepen moet. En d'r zal dommiet ok grif zoe'n vraoge kommen vanwegens et Stellingwarfs, Aasters, Hindeloopers, Schiermonnikoogs, Bildts, Kleifries, Woudfries, Stadsfries en gao zo mar deur. Et zal me ni'jdoen mit wat pillegien a'k dommiet thuuskomme. Ikke en de dokter hebben vaeks wel wat aanders an 't heufd en kommen bi'j nood een hiel aende awwe de hanen en voeten d'r even bi'j bruken om uut te stokken waor de piene krek zit. Dan is tael opiens hielemaole niet van belang.

Piet Bult. Nijeberkoop, april 2011